ಮೋಹನ

ಲೂಟಿ ಮಾಡಬೇಡ ನೀನು, ಮೋಹನ,

ನಿನ್ನ ಕಾಟ ತಾಳಲಾರೆ.. ನಿನಗೆ ಊಟ ಬಡಿಸಲೇ?!

ಗೆಜ್ಜೆಸದ್ದಿನೊಡನೆ ಪುಟ್ಟ 

ಹೆಜ್ಜೆಯಿಡುತ ಬರುವೆ ಹಿಂದೆ

ಕುಬ್ಜ, ನಿನ್ನ ಎತ್ತಿಕೊಳಲು 

ಲಜ್ಜೆ ಬಿಟ್ಟು ಕೇಳುತೀಯೆ..  ||ಲೂಟಿ||

ಹಾಲ ಕಾಸಲೆಂದು ಹೊರಡೆ 

ಹಾಲುಗಲ್ಲವರಳಿಸುತ್ತ

ಹಲ್ಲನೆರಡು ತೋರಿಸುತ್ತ

ಹಲವು ಕೆಲಸ ಮರೆಸುತೀಯೆ.. ||ಲೂಟಿ||

ಪೇಟೆಯಿಂದ ತಂದ ಚೀಲ

ಗೂಟದಲ್ಲಿ ನೇಲಿಸಿರಲು

ಆಟವಾಡುತಲ್ಲಿ ಬಂದು

ಚೂಟಿಯಾಗಿ ಎಳೆಯುತೀಯೆ.. ||ಲೂಟಿ||

ಕೀಟಲೆಗಳ ಸಹಿಸೆನೆಂದು

ಮಾತೆ ಬಂದು ಬೆದರಿಸಿರಲು

ನೋಟದಲ್ಲೆ ಸೆಳೆಯುವಂತ 

ಮಾಟದಂತ ನಗುವದೇನು?

ಲೂಟಿ ಮಾಡಬೇಡ ನೀನು, ಮೋಹನ.. ಮನ ಮೋಹನ...

ನಿನ್ನ ಕಾಟ ತಾಳಲಾರೆ.. ನಿನಗೆ ಊಟ ಬಡಿಸಲೇ?! ನಿನಗೆ ಊಟ ಉಣಿಸಲೇ?!!

ಧ್ವನಿ: 

೧. https://drive.google.com/file/d/1BLjp7j0KoiTQZ16EBqDNzOu-Q5A_xxAd/view?usp=sharing
೨. https://drive.google.com/file/d/1bYP6EdSqdFPqlURYtAe2h64Mo-Aa_P5W/view?usp=sharing